தேவையான பொருட்கள்:
250g கோதுமை மா
150 g சீனி
200ml வெஜிடபிள் ஒயில் / உருக்கிய மாஜரின் / உருக்கிய பட்டர் (உங்கள் வசதிப்படி ஏதாவது ஒன்று)
4 முட்டைகள்
2 தேக்கரண்டி பேக்கிங் பவுடர்
50g நட்ஸ் (விருப்பத்துக்கு ஏற்ப கஜூ அல்லது ஆமெண்ட் )
50g பிளம்ஸ்
2 தேக்கரண்டி வனிலா
5 பெரிய காரட் (250 தொடக்கம் 350 கிராம் வரை சேர்க்கலாம் )
செய்முறை :
- சீனியை மிக்சியில் இட்டு பவுடர் செய்து கொள்ளுங்கள்.
- அதோடு, அதே மிக்சியில் முட்டைகளைச் சேர்த்து ஒருநிமிடம் வரை கலந்து கொள்ளுங்கள் . பின்னர் ஒயிலையும் சேர்த்து 5 நிமிடங்கள் வரை கலந்து கொள்ளுங்கள்.
- இக்கலவையை ஒரு கேக் மிக்சிங் பௌலுக்கு மாற்றிவிடுங்கள்.
- மாவையையும் பேக்கிங் பவுடரையும் ஒன்றாகச் சலித்தெடுத்து , சீனி முட்டை எண்ணெய்க் கலவையோடு சேர்த்து நன்றாகக் கலந்து கொள்ளவும் . இது ஒரு மர அகப்பையால் கலக்கலாம் .
-அடுத்து, பொடியாகத் துருவிய கேரட், நட்ஸ், பிளம்ஸ், வனிலா என்பவற்றைச் சேர்த்து நன்றாகக் கலந்துவிட்டு கிரீஸ் பண்ணிய தட்டில் ஊற்றி 135 c ல் 70 நிமிடங்கள் வரை வேகவிட்டு, நடுவில் குச்சியால் குத்தி ஒட்டவில்லையோ இறக்கி ஆறவிட்டுப் பரிமாறலாம்.
சுவையை மேலும் அதிகரிக்க மேலே அலங்காரம் செய்து கொள்ளலாம்.
- 100 - 150 கிராம் அசிங் சீனியில் இரண்டு மேசைக்கரண்டி சுடுநீர் விட்டுக் கலந்துவிட்டு ஆறிய கேக்கின் மேலாகக் கலந்து காயவிட்டுப் பரிமாறலாம் .
-அல்லது 3 மேசைக்கரண்டி சீனியை காரமல் காய்ச்சி மேலே விட்டு அலங்கரம் செய்யலாம்.
இது எங்கள் மூத்த மகன் செய்த காரட் கேக் . sea salt காரமல் டாப்பிங் போட்டார்.
- -cream cheese frosting போட்டாலும் மிகுந்த சுவையாக இருக்கும் .